Planète Enfants & Développement 188 views

About Us

អង្គការពិភពកុមារ​ និងអភិវឌ្ឍន៍គឺជាអង្គការបារាំងក្រៅរដ្ឋាភិបាលមានជំនាញខាងការថែទាំ និងអភិវឌ្ឍន៍កុមារតូច។​ អង្គការពិភពកុមារ​ និងអភិវឌ្ឍន៍​បានបង្កើត​ឡើងក្នុងឆ្នាំ១៩៨៤ជា “ភូមិកុមារកម្ពុជា”​ (SOS Enfants Du Cambodge) ដើម្បីជួយដល់កុមាររងគ្រោះនៅក្នុងរបបប្រល័យពូជសាសន៍កម្ពុជា។ ចាប់តាំងពីពេល​នោះមកអង្គការពិភពកុមារ​ និងអភិវឌ្ឍន៍បាននឹងកំពុងដំណើរការប្រតិបត្តិការរបស់ខ្លួនដើម្បីផ្តល់ការអប់រំ និងការអភិវឌ្ឍដល់កុមារតូច (០-៦ឆ្នាំ) ជួយគាំ​ទ្រ​គ្រួ​សារ​ ​និងឪពុកម្តាយកុមារ​ ក៏ដូចជាផ្តល់ការអប់រំពីសុខភាពមាតា​ និងទារក។ អង្គការពិភព​កុមារ​​ និងអភិវឌ្ឍន៍​កំពុង​អនុវត្តនូវ​គម្រោងមួយ​ចំនួនដើម្បី​កែលម្អ​សេវា​ថែទាំកុមារតូចតាមរយៈការចែករំលែកនូវស្តង់ដារអប់រំអន្តរជាតិដែលល្អៗ និងអនុវត្តផ្នែកគរុកោសល្យដល់គ្រួសារដែលមានប្រាក់ចំនូលទាប និងមធ្យម។ គម្រោង​ទាំងនោះរួមមានការផ្តល់សេវាទារកដ្ឋានដែលគាំទ្រដោយនយោជកសម្រាប់កម្មកររោងចក្រកាត់ដេរ ការគាំទ្រការបង្កើតក្របខ័ណ្ឌការងារ ឬគោល​ការ​ណ៍​ណែនាំស្តីពីការថែទាំកុមារតូច និងបទដ្ឋានទារកដ្ឋាន និងសេវាទារកដ្ឋាននៅតាមសហគមន៍សម្រាប់ក្រុមគ្រួសារក្រីក្រ។​